തിരുവനന്തപുരം: സ്ത്രീകൾക്ക് മാസം 1000 രൂപ പെൻഷൻ നൽകുന്ന സ്ത്രീസുരക്ഷാ പദ്ധതിയുടെ മാനദണ്ഡങ്ങൾ തീരുമാനിച്ചു. പെൻഷൻ കിട്ടാൻ തദ്ദേശസ്വയംഭരണ സ്ഥാപനങ്ങളിലെ സെക്രട്ടറിക്കാണ് അപേക്ഷ നൽകേണ്ടത്.
ക്ഷേമപെൻഷൻ വിതരണംചെയ്യുന്ന മാതൃകയിൽ സാമൂഹിക സുരക്ഷാ പെൻഷൻ കമ്പനി ഗുണഭോക്താക്കളുടെ അക്കൗണ്ടിലേക്ക് നേരിട്ട് പണംനൽകും.
മറ്റുക്ഷേമപദ്ധതികളിൽ അംഗങ്ങളല്ലാത്ത, 35-നും 60-നും ഇടയിൽ പ്രായമുള്ള, അന്ത്യോദയ അന്നയോജനയിലും (മഞ്ഞ റേഷൻ കാർഡ്) മുൻഗണനാവിഭാഗങ്ങളിലും (പിങ്ക് റേഷൻ കാർഡ്) വരുന്ന സ്ത്രീകൾക്കാണ് അർഹത. ഈ വിഭാഗങ്ങളിൽവരുന്ന ട്രാൻസ് വുമണിനും അപേക്ഷിക്കാം.
മാനദണ്ഡങ്ങൾക്കുള്ളിൽവരുന്നുവെന്ന സത്യപ്രസ്താവനയും നൽകണം. പ്രായം തെളിയിക്കുന്നതിന് ജനനസർട്ടിഫിക്കറ്റ്, സ്കൂൾ സർട്ടിഫിക്കറ്റ്, ഡ്രൈവിങ് ലൈസൻസ്, പാസ്പോർട്ട് എന്നിവ ഹാജരാക്കാം. മറ്റ് രേഖകളില്ലെങ്കിൽ ഡോക്ടറുടെ സർട്ടിഫിക്കറ്റ് ഹാജരാക്കണം. അനർഹമായി പെൻഷൻ നേടിയാൽ 18 ശതമാനം പലിശയോടെ തിരിച്ചുപിടിക്കും.
മാനദണ്ഡങ്ങൾക്കുള്ളിൽവരുന്നുവെന്ന സത്യപ്രസ്താവനയും നൽകണം. പ്രായം തെളിയിക്കുന്നതിന് ജനനസർട്ടിഫിക്കറ്റ്, സ്കൂൾ സർട്ടിഫിക്കറ്റ്, ഡ്രൈവിങ് ലൈസൻസ്, പാസ്പോർട്ട് എന്നിവ ഹാജരാക്കാം. മറ്റ് രേഖകളില്ലെങ്കിൽ ഡോക്ടറുടെ സർട്ടിഫിക്കറ്റ് ഹാജരാക്കണം. അനർഹമായി പെൻഷൻ നേടിയാൽ 18 ശതമാനം പലിശയോടെ തിരിച്ചുപിടിക്കും.
സംസ്ഥാനത്ത് സ്ഥിരമായി താമസിക്കുന്ന ആളാകണം.
വിധവ, അവിവാഹിത, വികലാംഗ, സാമൂഹികക്ഷേമ പെൻഷനുകൾ, സർവീസ്, കുടുംബപെൻഷൻ, ക്ഷേമനിധി ബോർഡുകളിൽനിന്നുള്ള പെൻഷൻ, ഇപിഎഫ് പെൻഷൻ മുതലായവ ലഭിക്കുന്നവർക്ക് അർഹതയില്ല.
കേരളത്തിൽനിന്ന് താമസം മാറുകയോ കേന്ദ്ര-സംസ്ഥാന, സ്വയംഭരണ, ഗ്രാൻഡ് ഇൻ എയ്ഡ് സ്ഥാപനങ്ങളിലോ പദ്ധതികളിലോ സ്ഥിരമോ താത്കാലികമായോ ജോലികിട്ടുകയോ ചെയ്താൽ തുടർന്ന് പെൻഷൻ കിട്ടില്ല. എന്നാൽ, സ്വകാര്യസ്ഥാപനങ്ങളിലെ ജോലി പെൻഷൻ കിട്ടാൻ തടസ്സമായി പറയുന്നില്ല. റേഷൻകാർഡുകൾ നീല, വെള്ള എന്നിവയായി തരംമാറ്റപ്പെട്ടാലും പെൻഷനില്ല. ഒരുമാസത്തിലേറെ റിമാൻഡിലോ ജയിലിലോ ആയാലും അർഹത നഷ്ടപ്പെടും.
0 Comments