തിരുവനന്തപുരം: സര്ക്കാരിന്റെ സൗജന്യ ഓണക്കിറ്റ് വിതരണം നാളെ മുതല്. ദാരിദ്ര്യ രേഖയ്ക്ക് താഴെയുള്ള റേഷന് കാര്ഡ് ഉടമകള്ക്കു മാത്രമാണ് സൗജന്യ ഓണക്കിറ്റുകള് വിതരണം ചെയ്യുക. മഞ്ഞ കാര്ഡുകാര്ക്കാണ് ഭക്ഷ്യക്കിറ്റ് കിട്ടുക. എല്ലാ റേഷന് കാര്ഡുടമകള്ക്കും സൗജന്യമായി ഓണക്കിറ്റ് കിട്ടുമെന്ന പ്രചാരണം സമൂഹ മാധ്യമങ്ങളില് നടന്നിരുന്നു.
എന്നാല് ഇത് ശരിയല്ലെന്നാണ് ഭക്ഷ്യ വകുപ്പ് അറിയിച്ചിരിക്കുന്നത്. മഞ്ഞ കാര്ഡ് ഉടമകള്ക്കും ക്ഷേമ സ്ഥാപനങ്ങളിലെ അന്തേവാസികള്ക്കും നല്കുന്ന സൗജന്യ ഓണക്കിറ്റില് തുണി സഞ്ചി ഉള്പ്പെടെ 15 ഇനം സാധനങ്ങളാണ് ഉള്ളത്.
പഞ്ചസാര ഒരു കിലോ, വെളിച്ചെണ്ണ അര ലിറ്റര്, തുവരപ്പരിപ്പ് 250 ഗ്രാം, ചെറുപയര് പരിപ്പ് 250 ഗ്രാം, വന്പയര് 250 ഗ്രാം, കശുവണ്ടി 50 ഗ്രാം, നെയ്യ് 50 എംഎല്, തേയില 250 ഗ്രാം, പായസം മിക്സ് 200 ഗ്രാം, സാമ്പാര് പൊടി 100 ഗ്രാം, ശബരി മുളക് 100 ഗ്രാം, മഞ്ഞള്പ്പൊടി 100 ഗ്രാം, മല്ലിപ്പൊടി 100 ഗ്രാം, ഉപ്പ് ഒരു കിലോ എന്നിവയാണ് കിറ്റിലെ സാധനങ്ങള്.
സെപ്റ്റംബര് നാലിന് വിതരണം പൂര്ത്തിയാക്കും. ആറു ലക്ഷത്തില് പരം എഎവൈ കാര്ഡുകാര്ക്കും ക്ഷേമ സ്ഥാപനങ്ങള്ക്കുമാണ് ഭക്ഷ്യക്കിറ്റ് നല്കുന്നത്. അതേസമയം ഒരു റേഷന് കാര്ഡിന് 20 കിലോ അരി 25 രൂപ നിരക്കില് ലഭിക്കുമെന്നും മന്ത്രി വ്യക്തമാക്കി. ബിപിഎല്-എപിഎല് കാര്ഡ് എന്ന വ്യത്യാസം ഇല്ലാതെ തന്നെ ഇത് ലഭിക്കുന്നതാണ്.
0 Comments